ინდონეზიის ერთ-ერთ კუნძულზე, ზღვამ გაურკვეველი არსების მკვდარი სხეული გამორიყა.
დასისხლიანებული ქმნილება კუნძულ სერამის სანაპიროზე, თავთხელ წყალში ტივტივებს. ადგილობრივებმა ის რამდენიმე დღის წინ შენიშნეს.
ცხოველი გიგანტურია, სიგრძეში დაახლოებით 15 მეტრია, სიგანეში 6-7 მ.
ადგილობრივი გამოცემა Beritasatu.com-ის მიხედვით, ის გიგანტური მოლუსკია, ზოგიერთის აზრით კი შესაძლოა ვეშაპი ან სპილოც კი იყოს.
როგორც გამოცემა HuffPost-ს საზღვაო ექსპერტებმა განუცხადეს, სავარაუდოდ, ეს ქმნილება უკბილო ვეშაპის ერთ-ერთი სახეობაა.