ბელგოროდის სასამართლომ 22 წლის ქალს, ეკლესიის სანთლით სიგარეტის ანთებისა და შემდგომ ფოტოს სოციალურ ქსელში გამოქვეყნების გამო, განაჩენი გამოუტანა და 15 ათასი რუბლის (650 ლარი) გადახდა დააკისრა.
გამოძიებამ დაადგინა, რომ ბრალდებულმა სოციალურ ქსელში ეკლესიაში სიგარეტის მოკიდების ფოტო ოთხჯერ ატვირთა.
„ასეთი ქმედება საზოგადოებისა და მორწმუნე ადამიანების მიმართ უპატივცემულობის გამოხატვაა და შეურაცხყოფას აყენებს რელიგიურ გრძნობებს", - აცხადებენ ქალაქის პროკურატურაში.