logo_geo
მედია: იტალიელმა სამართალდამცველებმა ტურინში „ევროვიზიის“ ფინალის დროს პრორუსული ჯგუფების ჰაკერული თავდასხმები აღკვეთეს
- +

15 მაისი. 2022. 15:46

 

 

იტალიელმა სამართალდამცველებმა ტურინში 10 მაისს გამართული „ევროვიზიის“ ნახევარფინალისა და გუშინ ჩატარებული ფინალის დროს პრორუსული ჯგუფების ჰაკერული თავდასხმები აღკვეთეს - ამის შესახებ დასავლური მედია ქვეყნის ხელისუფლებაზე დაყრდნობით ავრცელებს.

 

იტალიის პოლიციის კიბერუსაფრთხოების დეპარტამენტმა ქსელის ინფრასტრუქტურაზე რამდენიმე კიბერშეტევა დაბლოკა, რომლებიც ჰაკერების ჯგუფ „Killnet“-ისა და მასთან დაკავშირებული „Legion“-ის მიერ იყო ორგანიზებული.

 

გარდა ამისა, იტალიელმა ძალოვანებმა შეაგროვეს ინფორმაცია პრორუსული ჯგუფის „ტეელგრამის“ არხებიდან სხვა კრიტიკული შემთხვევების აღსაკვეთად.

 

ცნობისთვის, 11 მაისს, „Killnet“-მა განაცხადა, რომ თავდასხმა განახორციელეს რამდენიმე იტალიური სახელმწიფო ინსტიტუტის ვებგვერდზე, მათ შორის სენატისა და ჯანმრთელობის ეროვნული ინსტიტუტის საიტებზე.

 

 

big_banner
არქივი