ბრიტანეთში წყვილმა ლატარიაში EuroMillions რეკორდული თანხა - 184 262 899 გირვანქა მოიგო. ამის შესახებ BBC წერს.
გამოცემის ინფორმაციით, ჯო და ჯეს ტვეიტები მოგებული თანხით საკუთარი ოცნებების ასრულებას გეგმავენ - შვილების მომავლის უზრუნველყოფას, სახლის აშენებას და სამოგზაუროდ წასვლას. ჯო 49 წლისაა, მისი ცოლი ჯესი კი 44-ის. წყვილს 2 შვილი ჰყავს.
აქამდე, ბრიტანეთში EuroMillions-ში გათამაშებული თანხის რეკორდი 2019 წელს ფიქსირდებოდა. მაშინ ანონიმურმა გამარჯვებულმა 175 მილიონი გირვანქა მოიგო.