მარიუპოლში კიდევ ერთი სამარხი აღმოაჩინეს, - ამის შესახებ მარიუპოლის მერის მრჩეველმა პეტრ ანდრიუშჩენკომ განაცხადა.
მისი თქმით, ოკუპანტი ჯარისკაცები ქუჩაში ნანგრევებს ასუფთავებენ. ყოფილი ქარხნის ტერიტორიაზე 70-მდე დაღუპული უკრაინელის ცხედარი იპოვეს.
„მიზეზი იგივეა - დამპყრობლების დაბომბვის შემდეგ ხალხი შენობის ნანგრევებში მოყვა. დაღუპულთა ცხედრები სოფელ სტარი კრიმში მდებარე მასობრივ საფლავში დასაკრძალავად გაიტანეს. იდენტიფიცირება მოხდა. ექსპერტიზა არ ჩატარებულა“, - განაცხადა ანდრიუშჩენკომ.