„კრემლს არ აქვს ინფორმაცია რაიმე გადაწყვეტილების შესახებ, რომელიც „აზოველების“ ბედს უკავშირდება“, - ამის შესახებ რუსეთის პრეზიდენტის პრესმდივანმა დმიტრი პესკოვმა ჟურნალისტების კითხვის საპასუხოდ განაცხადა.
„ჩვენ არ გვაქვს ინფორმაცია რაიმე გადაწყვეტილებაზე, რომელიც იმ უკრაინელი სამხედროების ბედს ეხება, რომლებიც „აზოვსტალში“ იმყოფებოდნენ და შემდგომ რუსებს ჩაბარდნენ“, - აცხადებს პესკოვი.
ამასთან, უკრაინული მედიის ინფორმაციით,„აზოვსტალი“ დატოვა 2449 ადამიანმა და ყველა მათგანი დონეცკის ოლქის სოფელ იელენოვკაშია.
უკრაინის ქალაქი მარიუპოლი რუსმა სამხედროებმა ალყაში 1-ელ მარტს მოაქციეს. აპრილის ბოლოდან 16 მაისის ჩათვლით მარიუპოლის დამცველები ბლოკირებული აზოვსტალის ქარხანაში იმყოფებოდნენ და საპორტო ქალაქს იცავდნენ.