გამოძიების ფედერალურმა ბიურომ (FBI) კაპიტოლიუმზე შტურმის საქმეზე მიჩიგანის შტატის გუბერნატორობის „რესპუბლიკელი“ კანდიდატი, რაიან კელი დააკავა.
ფედერალურმა გამომძიებლებმა სასამართლოს ფოტოები წარუდგინეს, სადაც ჩანს, რომ „რესპუბლიკელი“ პოლიტიკოსი 2021 წლის 6 იანვრის არეულობებში მონაწილეობდა.
2021 წლის 6 იანვარს ვაშინგტონში ვითარება მას შემდეგ დაიძაბა, რაც დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც საპრეზიდენტო არჩევნების შედეგებს ამტკიცებდნენ.
დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა. არეულობის შედეგად 4 ადამიანი დაიღუპა. ვითარების გაკონტროლებას რამდენიმე საათი დასჭირდა, რის შემდეგაც, კონგრესმა მუშაობა განაახლა და ჯო ბაიდენის პრეზიდენტის პოსტზე არჩევა დაამტკიცა. აშშ-ის კაპიტოლიუმში შეჭრის საქმეზე ფედერალურმა პროკურორებმა ბრალი 650-ზე მეტ ადამიანს წაუყენეს.