ოდესაში რუსი აგრესორების მიერ განხორციელებული სარაკეტო თავდასხმის შედეგად დაღუპულთა რიცხვი 14 -მდე გაიზარდა. ინფორმაციას უკრაინული მხარე ავრცელებს.
სარაკეტო შეტევა განხორციელდა მაღალსართულიან საცხოვრებელ შენობასა და რეკრეაციულ ცენტრზე.
„1 ივლისს დაახლოებით 01:00 საათზე ბელგოროდ-დნესტროვსკის რაიონში სარაკეტო დარტყმის შედეგად ნაწილობრივ განადგურდა რეკრეაციული ცენტრის სამსართულიანი და ოთხსართულიანი შენობა. დაღუპულებს შორის ერთი ბავშვია. საერთო ჯამში ამ დროის მონაცემებით დაღუპულია 14 ადამიანი“, - აცხადებენ უკრაინის საგანგებო სიტუაციების სახელმწიფო სამსახურში.
ამავე ინფორმაციით, დაშავდა კიდევ 30 ადამიანი.