ავსტრალიის ქალაქ სიდნეიში ათასობით მცხოვრებმა მიიღო შეტყობინება, რომ საცხოვრებლები დატოვონ. მიზეზი კოკისპირული წვიმა და დამანგრეველი ქარია, რომელიც ქვეყნის აღმოსავლეთ სანაპიროზე მძვინვარებს და ქალაქს საფრთხეს უქმნის, - ამის შესახებ CNN წერს.

„ჩვენ ახლა მრავალი საფრთხის წინაშე ვდგავართ - წყალდიდობა, სანაპიროების დატბორვა და ეროზია“, - თქვა ახალი სამხრეთ უელსის საგანგებო სიტუაციების სამსახურის მინისტრმა.

Associated Press წერს, რომ სიდნეიდან ევაკუაციის შესახებ შეტყობინება ნახევარ მილიონამდე ადამიანმა მიიღო.

ავსტრალიის ზოგიერთ რაიონში ნალექის ოდენობამ 200 მილიმეტრსაც კი გადააჭარბა.