ამერიკის შეერთებულმა შტატებმა NATO-ს აღმოსავლეთ საზღვრების გაძლიერება გადაწყვიტა. ამ რეგიონებში საჰაერო სადესანტო დივიზია გაიგზავნება, რომელიც ცნობილია როგორც "მყვირალა არწივები".

ამის შესახებ ინფორმაციას NATO-ში ამერიკის შეერთებული შტატების მისია „ტვიტერის“ გვერდზე ავრცელებს.

რუმინეთში, ბულგარეთში, უნგრეთსა და სლოვაკეთში გაიგზავნება 101-ე საჰაერო- სადესანტო დივიზიის 2400 ჯარისკაცი.

„80 წლის შემდეგ ევროპაში ბრუნდება საჰაერო-სადესანტო დივიზია, რომელიც ცნობილია, როგორც „მყვირალა არწივები“. ეს ხდება NATO-ს აღმოსავლეთ ფლანგის დასაცავად, ჩვენი მოკავშირეების დასამშვიდებლად და ჩვენი მოწინააღმდეგეების შესაკავებლად“, - ნათქვამია მისიის განცხადებაში.