უკრაინის არმიამ ფართომასშტაბიანი კონტრშეტევის დაწყებიდან სულ რამდენიმე დღეში გაათავისუფლა ხარკოვის ოლქში 300-ზე მეტი დასახლება - ამის შესახებ ინფორმაციას უკრაინული მედია უკრაინის თავდაცვის მინისტრის მოადგილე ანა მალიარზე დაყრდნობით ავრცელებს.
„ხარკოვის ოლქის გათავისუფლების ოპერაცია, როგორც დაგეგმილი იყო, რამდენიმე დღე გაგრძელდა. 6 სექტემბრიდან დღემდე, 3 800 კვადრატული კილომეტრი და 300-ზე მეტი დასახლება გათავისუფლდა. 150 000-ზე მეტი უკრაინელი გათავისუფლდა ოკუპაციისგან, სადაც ისინი ფაქტობრივად მძევლები იყვნენ“, - აცხადებს უკრაინის თავდაცვის მინისტრის მოადგილე ანა მალიარი.
მალიარის თქმით, კონტრშეტევა მიდის როგორც დაგეგმილი იყო და გაგრძელდება მანამ, სანამ ხარკოვის ოლქის მთელი ტერიტორია არ გათავისუფლდება.