რუსეთის თავდაცვის მინისტრი სერგეი შოიგუ მინსკში, ბელარუსის თავდაცვის მინისტრთან ვიქტორ ხრენინთან მოლაპარაკებებისთვის ჩავიდა.
„ბელორუსული და რუსული მხარეები განიხილავენ ორმხრივი სამხედრო და სამხედრო-ტექნიკური თანამშრომლობის აქტუალურ საკითხებს“, - ნათქვამია განცხადებაში.
ცნობისთვის, მანამდე ბელორუსულმა სადამკვირვებლო ჯგუფმა „Belarusky Gayun“ განაცხადა, რომ ხუთშაბათს, 1 დეკემბერს, ბელარუსში რუსული სამგზავრო თვითმფრინავი Tu-154M ჩავიდა, რომელსაც სავარაუდოდ რუსი გენერლების ჯგუფი მინსკში გადაჰყავდა.