უკრაინის პრეზიდენტის, ვოლოდიმირ ზელენსკის განცხადებით, უკრაინის აღმოსავლეთ ნაწილში ფრონტზე ვითარება კიდევ უფრო მძიმდება.

„ჩვენი ქვეყნის აღმოსავლეთში ფრონტზე ვითარება კიდევ უფრო მძიმდება. მადლობელი ვარ ყველა ჩვენი მეომრის, რომლებიც მზად არიან ამისთვის და აჩვენებენ უკრაინის საჭირო გამძლეობას“ - აღნიშნა ზელენსკიმ.

მისი თქმით, რუსეთი ცდილობს, უკრაინაში შეჭრიდან ერთი წლის თავზე აჩვენოს, რომ თითქოს მათ რაიმე შანსები გააჩნიათ.

„მტკიცედ გავიარეთ მთელი ეს დრო, თებერვლიდან თებერვლამდე. მტერი ცდილობს ახლა მაინც მიიღოს რაღაც იმისთვის, რომ შემოჭრის წლისთავზე აჩვენოს, თითქოს რუსეთს რაიმე შანსები აქვს“, - აღნიშნა ზელენსკიმ.

მისი თქმით, არსებულ ვითარებაში უკრაინას ერთიანობა, ეროვნულ ინტერესებზე ორიენტირებულობა და გამძლეობა სჭირდება.