logo_geo
ოლაფ შოლცი: ვფიქრობ, არაა კარგი იდეა, ამ კონფერენციაზე განვიხილოთ, თუ ზუსტად როდის დასრულდება ომი. ყველაზე მნიშვნელოვანია, ყველამ ერთად ვთქვათ, რომ უკრაინას დავეხმარებით იქამდე, ვიდრე ამის საჭიროება იქნებაI
- +

17 თებერვალი. 2023. 19:35

 

ვფიქრობ, არ არის კარგი იდეა, რომ ამ სცენაზე და ამ კონფერენციაზე ჩვენ განვიხილოთ, თუ ზუსტად როდის, რომელ თვეს და რა რიცხვში დასრულდება ომი. ყველაზე მნიშვნელოვანია ყველამ ერთად ვთქვათ, რომ უკრაინას დავეხმარებით მანამდე, ვიდრე ამის საჭიროება იქნება, - ამის შესახებ გერმანიის კანცლერმა, ოლაფ შოლცმა განაცხადა.

„მე ვფიქრობ, რომ მიმდინარე ომი სასტიკი და რუსეთის იმპერიალისტური მიდგომაა დაიპყროს მთელი უკრაინა ან მისი დიდი ნაწილი მაინც. ძალიან ბევრი ადამიანი იტანჯება უკრაინაში რუსეთის მიერ წარმოებული საომარი მოქმედებების გამო და ამ სიტუაციაში უკრაინას უნდა გავუწიოთ მაქსიმალური დახმარება. გერმანიამ ამიტომაც გაზარდა უკრაინის დახმარება და ახლა ჩვენ შეგვიძლია ვთქვათ, რომ გერმანია უკრაინისთვის იარაღის ყველაზე მსხვილი მიმწოდებელია ჩვენი კონტინენტის მასშტაბით და ეს დახმარება გაგრძელდება. ჭკვიანურია, თუ მოვემზადებით გრძელვადიანი პერიოდისთვის. ჭკვიანურია, თუ პუტინისთვის ჩვენი გზავნილი იქნება შემდეგი - ჩვენ ვართ მზად ყოველთვის ვიდგეთ უკრაინის გვერდით. ვფიქრობ, არ არის კარგი იდეა, რომ ამ სცენაზე და ამ კონფერენციაზე ჩვენ განვიხილოთ, თუ ზუსტად როდის, რომელ თვეს და რა რიცხვში დასრულდება ომი. ყველაზე მნიშვნელოვანია ყველამ ერთად ვთქვათ, რომ უკრაინას დავეხმარებით იქამდე, ვიდრე ამის საჭიროება იქნება. მე დარწმუნებული ვარ, რომ პუტინს არ ეგონა და ვერც ვერასდროს იფიქრებდა, რომ ევროპა ერთიანი იქნებოდა და არც ის ეგონა, რომ უკრაინას მსოფლიო გვერდით დაუდგებოდა და დახმარება იქნებოდა ისეთი, რაც დღეს გვაქვს. არც იმას იფიქრებდა, რომ გაეროში უმრავლესობა აგრესიის ომს უწოდებდა რუსეთის ქმედებებს და „დიდი ოცეული“ იტყოდა, რომ ამ ომში ბირთვული იარაღის გამოყენება არ უნდა მოხდეს. ჩვენი ამოცანა და მისიაა, ამ გზავნილების ერთგული ვიყოთ. მე ვარ დარწმუნებული, რომ ეს ერთობა შენარჩუნდება“, - აცხადებს შოლცი.

big_banner
არქივი