logo_geo
პირს, რომელიც კაპიტოლიუმზე შტურმის დროს თავს დაესხა პოლიციელს და სოციალურ ქსელში მოკვლით დაემუქრა კონგრესის წევრს, 3 წლით თავისუფლების აღკვეთა მიუსაჯეს
- +

24 თებერვალი. 2023. 01:44

 

აშშ-ში, პირს, რომელიც კაპიტოლიუმზე შტურმის დროს თავს დაესხა პოლიციელს და შემდეგ სოციალურ ქსელში მოკვლით დაემუქრა კონგრესის წევრ ალექსანდრია ოკასიო-კორტესს, 3 წლით თავისუფლების აღკვეთა მიუსაჯეს. ინფორმაციას ამის შესახებ ამერიკული მედია ავრცელებს.

 

2021 წლის 6 იანვარს გარეტ მილერი თავს დაესხა პოლიციის სერჟანტს კაპიტოლიუმის კომპლექსში და ფიზიკურ შეხლა-შემოხლაში ჩაერთო. მოგვიანებით, იმავე ღამეს, მან სოციალურ ქსელ Twitter-ში დაწერა: „მოკალით ალექსანდრია ოკასიო-კორტესი“.

 

2021 წლის 6 იანვარს ვაშინგტონში ვითარება მას შემდეგ დაიძაბა, რაც დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც საპრეზიდენტო არჩევნების შედეგებს ამტკიცებდნენ.

 

დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა. არეულობის შედეგად 4 ადამიანი დაიღუპა. ვითარების გაკონტროლებას რამდენიმე საათი დასჭირდა, რის შემდეგაც, კონგრესმა მუშაობა განაახლა და ჯო ბაიდენის პრეზიდენტის პოსტზე არჩევა დაამტკიცა. აშშ-ის კაპიტოლიუმში შეჭრის საქმეზე ფედერალურმა პროკურორებმა ბრალი 650-ზე მეტ ადამიანს წაუყენეს.

 

 

big_banner
არქივი