კალიფორნიაში უჩვეულო ზამთრის ქარიშხალი მძვინვარებს. ამის შესახებ BBC წერს.
გამოცემის ინფორმაციით, სტიქიის გამო, ლოს-ანჯელესში 120 ათასზე მეტი ადამიანი ელექტროენერგიის გარეშე დარჩა. შტატში დაკეტილია გზები და პლაჟები. ეს ერთ-ერთი ყველაზე ძლიერი ქარიშხალია, რაც კი კალიფორნიაში დაფიქსირებულა. ძლიერმა ქარმა წააქცია ხეები და დააზიანა ელექტროგადამცემი ხაზები.
ლოს-ანჯელესში ბოლო 30 წლის განმავლობაში ქარბუქის შესახებ გაფრთხილება პირველად ამოქმედდა. პერიოდულად თოვა ძლიერი წვიმით იცვლება. ქარიშხლის შედეგად დაშავებულთა ან გარდაცვლილთა შესახებ ინფორმაცია არ გავრცელებულა.
მეტეოროლოგების პროგნოზით, მალე ქარიშხალი ძალას დაკარგავს.