logo_geo
Bloomberg: რუსეთმა წყნარი ოკეანის პორტებიდან ნავთობის მიწოდება გაზარდა
- +

27 თებერვალი. 2023. 22:30

 

უკრაინაში რუსეთის შეჭრიდან ერთი წლის შემდეგ, რუსეთის მიერ ნავთობის საზღვაო ექსპორტი უმაღლეს დონეს მიუახლოვდა. ინფორმაციას ამის შესახებ სააგენტო Bloomberg-ი ავრცელებს.

როგორც სააგენტო იუწყება, მიმდინარე წლის 24 თებერვლამდე ერთი კვირის განმავლობაში, რუსეთის წყნარი ოკეანის პორტებიდან ნავთობის გადაზიდვის მაჩვენებელი დღეში 3.63 მილიონ ბარელამდე გაიზარდა.

გარდა ამისა, ნაკლებად ცვალებადი ოთხკვირიანი საშუალო მაჩვენებელი ასევე გაიზარდა დღეში 500.000 ბარელით.

„გასულ კვირას წყნარი ოკეანის პორტში, კოზმინოში, რეკორდული 10 ტანკერი ჩაიტვირთა. ნაკადები გაიზარდა ნაწილობრივ რკინიგზით ნავთობის მიწოდების განახლების გამო. მკვლევართა ჯგუფის თქმით, რუსეთის აღმოსავლეთ პორტებიდან ნავთობის გადაზიდვები იყიდება თითქმის 40%-ით მაღალი ფასით, ვიდრე ბალტიისპირეთის გავლით ექსპორტირებული“, - აღნიშნულია სტატიაში.

ჩინეთსა და ინდოეთში მიმავალ გემებზე ნავთობი, ისევე როგორც თურქეთში უფრო მცირე გადაზიდვები და მოცულობა, რომლებსაც ჯერ არ აქვთ მითითებული საბოლოო დანიშნულება, დღეში საშუალოდ 3.27 მილიონ ბარელამდე გაიზარდა ოთხი კვირის განმავლობაში, რაც ყველაზე მაღალი მაჩვენებელია მას შემდეგ, რაც Bloomberg-მა დაიწყო მიწოდების მონიტორინგი 2022 წლის დასაწყისში.

big_banner
არქივი