logo_geo
არგენტინაში დაცხრილეს სუპერმარკეტი, რომელიც მესის ცოლის ოჯახს ეკუთვნის
- +

3 მარტი. 2023. 09:53

 

 

„პარი სენ-ჟერმენის“ ფორვარდის, ლიონელ მესის მშობლიურ ქალაქ როსარიოში ბოროტმოქმედებმა სუპერმარკეტი დაცხრილეს და ფეხბურთელს შეტყობინება დაუტოვეს.

 

როგორც გამოცემა TN წერს, ინციდენტი ღამის სამ საათზე მოხდა, როცა მაღაზია, რომელიც მესის ცოლის, ანტონელა როკუცოს ოჯახს ეკუთვნის, დაკეტილი იყო. ორი უცნობი მოტოციკლით სუპერმარკეტს მიუახლოვდა და მათ სროლა დაიწყეს, რის შემდეგაც შენობის კედელზე წარწერა დატოვეს: „მესი, გელოდებით. ხავკინი (პაბლო, როსარიოს მერი) ნარკომოვაჭრეა, ის შენზე არ იზრუნებს“.

 

მარტის ბოლოს მესი არგენტინაში ჩავა ეროვნული ნაკრების რიგებში ამხანაგური მატჩის ჩასატარებლად.

 

როსარიო მიჩნეულია ქალაქად, რომელიც ყველაზე მეტად დაზარალდა არგენტინაში მომატებული ძალადობისგან, კერძოდ, ნარკომოვაჭრეთა ბანდების მოქმედებისგან.

 

 

 

big_banner
არქივი