logo_geo
უკრაინა ითხოვს, დაუყოვნებლივ მოიწვიონ გაეროს უშიშროების საბჭოს სხდომა
- +

26 მარტი. 2023. 20:25

 

 

უკრაინის საგარეო საქმეთა სამინისტრო დიდი შვიდეულის წევრ ქვეყნებს და ევროკავშირს მიმართავს, მინსკს გაუგზავნონ მკაფიო მესიჯები იმის შესახებ, თუ რა შედეგების მომტანი შეიძლება აღმოჩნდეს ბელარუსის ტერიტორიაზე რუსეთისგან ტაქტიკური ბირთვული იარაღის განთავსებაზე თანხმობას.

 

ამასთან, უკრაინული მხარე ამბობს, რომ კრემლის ბირთვული მუქარის პასუხად, დაუყოვნებლივ უნდა იქნეს მოწვეული გაეროს უშიშროების სხდომა.

 

როგორც საგარეო უწყებაში აცხადებენ, რუსეთი, ბირთვული ტაქტიკური იარაღის ბელარუსის ტერიტორიაზე განლაგების გადაწყვეტილებით, არღვევს ბირთვული შეიარაღების არქიტექტურას, შეთანხმებას ბირთვული იარაღის გაუვრცელებლობის შესახებ და ზოგადად, საერთაშორისო უსაფრთხოების სისტემას უქმნის საფრთხეს.

 

„არ შეიძლება, ასეთმა ზრახვებმა არ გამოიწვიოს მთელი მსოფლიო საზოგადოების შეშფოთება, რუსეთი ხომ ამ განცხადებას უკრაინის წინააღმდეგ მისი არაფრით პროვოცირებული აგრესიული ომის გაგრძელების კონტექსტში აკეთებს. რუსეთი კიდევ ერთხელ ადასტურებს თავის მის უუნარობას, იყოს ბირთვული იარაღის, როგორც შეკავებისა და ომის პრევენციის საშუალების მფლობელი და პირიქით, მას მუქარისა და დაშინების ინსტრუმენტად იყენებს. მსოფლიო უნდა გაერთიანდეს იმის წინააღმდეგ, ვინც საფრთხეს უქმნის კაცობრიობის ცივილიზაციის მომავალს“, - წერია განცხადებაში. უკრაინა მიმართავს ბელორუსულ საზოგადოებას, აღკვეთოს ქვეყნის ტერიტორიაზე ბირთვული იარაღის განთავსების დანაშაულებრივი განზრახვის სისრულეში მოყვანა, რაც ეწინააღმდეგება ბირთვული იარაღის გაუვრცელებლობის შესახებ ხელშეკრულებით ნაკისრ ვალდებულებებს“, - ნათქვამია განცხადებაში.

 

 

big_banner
არქივი