ამერიკის შეერთებული შტატები, სამხრეთ კორეა და იაპონია იაპონიის ზღვაში ერთობლივ წვრთნას ატარებენ. როგორც ცნობილია, სამმხრივ სწავლებაში სამი მოიერიშე თვითმფრინავია ჩართული. სამხედრო წვრთნა უსაფრთხოების სფეროში კოორდინაციის გაძლიერებას ემსახურება.
რამდენიმე დღის წინ ოფიციალურმა ფხენიანმა პირველად მყარი საწვავის კონტინენტთაშორისი ბალისტიკური რაკეტა გამოცადა. სწორედ ამიტომ სამმხრივ სამხედრო სწავლებაში კომპიუტერული სიმულაციების გამოყენებით, ბალისტიკური რაკეტების სამიზნეების აღმოჩენისა და თვალთვალის პროცედურები განხორციელდება.