„რუსეთი ამბობს, რომ უკრაინაში NATO-სთან ომობს, რადგანაც არ შეუძლია ჩვენი დამარცხება“, – უკრაინული მედიის ცნობით, ამის შესახებ უკრაინის პრეზიდენტმა „ალ არაბიასთან“ ინტერვიუში განაცხადა.

ვოლოდიმირ ზელენსკის თქმით, რუსეთს არ შეუძლია, აღიაროს ბრძოლის ველზე წარუმატებლობა და ამიტომ ამტკიცებს, რომ უკრაინაში NATO-ს ეომება.

„ძალიან სასაცილოა, რომ რუსეთი უკრაინის ტერიტორიაზე NATO-ს ეომება. რუსეთი ეომება უკრაინას. და რადგანაც მას არ შეუძლია პატიოსნად ომი, ამიტომ ის უკვე ამბობს, რომ NATO-ს ეომება. მას რცხვენია, აღიაროს, რომ ქვეყანას, რომელიც 40-ჯერ აღემატება სიდიდით უკრაინას, არ შეუძლია ჩვენი დამარცხება“, – განაცხადა ზელენსკიმ.

ზელენსკის თქმით, NATO არ აწარმოებს აგრესიულ ომს რუსეთის წინააღმდეგ,

„დღეს NATO არ არის შეტევითი ალიანსი. მე ვერ ვხედავ, რომ NATO-ს ქვეყნები დღეს რაიმე ომს აჩაღებდნენ. ვერ ვხედავ NATO-ს რუსეთის ტერიტორიაზე ყოფნას. მე ვერ ვხედავ ვერცერთ NATO-ელს, რომელიც კლავს რუსს მათ ტერიტორიაზე ან სადმე სხვაგან“, – განაცხადა ზელენსკიმ.