ღაზის სექტორიდან ისრაელის მიმართულებით 270 რაკეტა გაუშვეს. ინფორმაციას ამის შესახებ ადგილობრივი მედია ისრაელის თავდაცვით ძალებზე დაყრდნობით ავრცელებს.

ისრაელის თავდაცვით ძალების პრესსამსახურის ინფორმაციით, 205-მა რაკეტამ საზღვარი გადაკვეთა, ხოლო 65 - ღაზის სექტორის ტერიტორიაზე ჩამოვარდა.

62 რაკეტა საჰაერო თავდაცვის სისტემა „რკინის გუმბათმა“ გაანეიტრალა.

ადგილობრივი მედის ინფორმაციით, აშკელონის საავადმყოფოში ორი დაშავებული მიიყვანეს, რომლებიც თავშესაფრებისკენ სირბილის დროს დაშავდნენ.