იტალიის ყოფილმა პრემიერმა სილვიო ბერლუსკონიმ განაცხადა, რომ აშშ-ის პრეზიდენტ დონალდ ტრამპის ყველაზე მეტად, მეუღლე, მელანია ტრამპი მოსწონს - ასე უპასუხა მან ტელეეთერში ტრამპის შესახებ დასმულ კითხვას.
„მელანია მომწონს მისი სილამაზის, სტილისა და მომხიბვლელობის გამო", - განაცხადა 80 წლის ბერლუსკონიმ.
მისივე თქმით, პირადად არ იცნობს, თუმცა ბევრი სმენია მელანია ტრამპზე და ისიც დასძინა, რომ აშშ-ში დემოკრატებიც კი არ აკრიტიკებენ ახალ პირველ ლედის.
ჟურნალისტებს კარგად ახსოვთ ბერლუსკონის შეფასება საფრანგეთის პირველი ლედის ბრიჯიტ მაკრონის შესახებაც. ბერლუსკონიმ ემანუელ მაკრონის შესახებ განაცხადა, რომ ის „კარგი ყმაწვილია კარგი შესახედაობის დედით".