რუსეთის თავდაცვის მინისტრის მოადგილე ტიმურ ივანოვი ქრთამის აღების ბრალდებით დააკავეს. ინფორმაციას რუსული მედია რუსეთის საგამოძიებო კომიტეტზე დაყრდნობით იტყობინება.
რუსეთის საგამოძიებო კომიტეტი ივანოვის დაკავების შესახებ დამატებით ინფორმაციას არ ავრცელებს.
ივანოვს 15 წლამდე თავისუფლების აღკვეთა ემუქრება.
რუსეთის პრეზიდენტის პრესმდივანმა დმიტრი პესკოვმა განაცხადა, რომ ვლადიმერ პუტინი ინფორმირებული იყო ივანოვის დაკავების შესახებ. ასევე წინასწარ იყო ინფორმირებული თავდაცვის მინისტრი სერგეი შოიგუც.