ოფიციალურ კიევს NATO-სგან უკრაინაში ჯარების გაგზავნა არ მოუთხოვია, მაგრამ მათ სურთ, მოკავშირეებისგან მეტი დახმარება მიიღონ, – ამის შესახებ იტალიურ სააგენტო ANSA-ს NATO-ს გენერალურმა მდივანმა, იენს სტოლტენბერგმა განუცხადა.
„ბრძოლის ველზე სიტუაცია საკმაოდ რთულია. გასულ კვირას ვეწვიე კიევს და მოვისმინე, თუ რა გამოწვევების წინაშე დგანანს ისინი. რუსეთს აქვს ტერიტორიული წინსვლა და არსებობს რისკი, რომ ის კიდევ უფრო წაიწევს წინ. საუბარი არაა დიდ ტერიტორიაზე, თუმცა ამის შესაჩერებლად უკრაინელებს სჭირდებათ შეიარაღება. ერთ-ერთი მიზეზი იმისა, რატომაც რუსეთმა ბოლო თვეებში გარკვეული ტერიტორია დაიკავა, არის ის, რომ ჩვენ ვერ შევასრულეთ ის, რასაც დავპირდით“, – აღნიშნა სტოლტენბერგმა.
მისივე თქმით, ახლა სიტუაცია შეიცვალა.
„NATO არ აპირებს უკრაინაში ჯარების გაგზავნას. როდესაც უკრაინაში ვიყავი, მათ არ მოუთხოვიათ NATO–ს ჯარების გაგზავნა. ისინი ითხოვენ მეტ დახმარებას“, – აღნიშნა NATO-ს გენერალურმა მდივანმა.