„სამეფო კარის თამაშების“ მსახიობი კრისტოფერ ჰივიუ Netflix-ის ყველაზე პოპულარული სერიალის, „მხედვარის“ მეორე სეზონში ითამაშებს. ამის შესახებ The Hollywood Reporter-ი წერს.
გამოცემის ინფორმაციით, ჰივიუ ნიველენის როლს შეასრულებს. „მხედვარის“ წიგნებში ის დაწყევლილი კაცია, რომელიც იძულებულია მონსტრის სახე მიიღოს. მეორე სეზონის გადაღებები უკვე დაიწყო.
„მხედვარი“, რომელიც პოლონელი მწერლის ანჯეი საპკოვსკის წიგნებზეა დაფუძნებული, Netflix-ზე 2019 წლის 20 დეკემბერს გამოვიდა. მთავარ როლს პროექტში ჰენრი კავილი ასრულებს. „მხედვარი“ Netflix-ის ყველაზე წარმატებული პროექტი გახდა.