როგორც ცნობილია, რამდენიმე დღის წინ „ლოს-ანჯელეს კლიპერსმა“ მთავარი მწვრთნელის თანამდებობიდან დოკ რივერსი გაათავისუფლა. მიზეზი პლეი ოფში „კლიპერსის“ წარუმატებლობაა. ლოს-ანჯელესელებმა კონფერენციის ნახევარფინალურ სერიაში „დენვერთან“ წააგეს და ასპარეზობას გამოეთიშნენ.
ადრიან ვოჟნაროვსკის ინფორმაციით, რივერსი მომდევნო სეზონიდან „ფილადელფიას“ უხელმძღვანელებს. წყაროს ცნობით რივერსი „სიქსერსთან“ უახლოეს მომავალში 5-წლიან კონტრაქტს გააფორმებს.