ვიეტნამში ტროპიკულ შტორმს 32 ადამიანი ემსხვერპლა, 17 უგზოუკვლოდ არის დაკარგული.
გადაუღებელი წვიმის გამო მდინარეები ნაპირებიდან გადმოვიდა და საცხოვრებელი სახლები დაიტბორა. წყლით არის დაფარული ვიეტნამის დედაქალაქიც. დაზიანებულია 5000-ზე მეტი შენობა, ასევე სასოფლო-სამეურნეო სავარგულები, დახოცილია პირუტყვი.
მეტეოროლოგების ინფორმაციით, წვიმა სტიქიისგან დაზარალებულ რეგიონებში კიდევ რამდენიმე დღეს გასტანს.