„სოთბის“ სააუქციონო სახლმა ნიუ-იორკში ბურბონ-პარმის დინასტიური სახლის კუთვნილი ძვირფასეულობების წინასააუქციონო გამოფენა გახსნა. კოლექცია უნიკალურ საიუველირო ნაწარმს მოიცავს, თუმცა მთავარი ექსპონატები საფრანგეთის დედოფალ მარია ანტუანეტას სამკაულია. მათ შორისაა 49-კარატიანი ბრილიანტებით მოოჭვილი მარგალიტის კულონი, რომელიც ექსპერტებმა 2 მილიონ დოლარამდე შეაფასეს. ინფორმაციას „Ten daily“ ავრცელებს.
ექსპოზიციაში ასევე შედის გვირგვინი და ბრილიანტის ბეჭედი მარია ანტუანეტას ინიციალებით.
ნიუ-იორკის შემდეგ ექსპოზიციას ლონდონში, დუბაისა და ჰონგ-კონგშიც გამოფენენ. ისტორიული ვაჭრობა კი 14 ნოემბერს, ჟენევაში გაიმართება.