ავღანეთის ხელისუფლება ადასტურებს, რომ რადიკალურმა მოძრაობა „თალიბანმას“ ქალაქი ყანდაარი დაიკავა. ინფორმაციას Associated Press ავრცელებს.

ყანდაარი თალიბების მიერ დაკავებული მე-12 დიდი ქალაქია.

„მოძრაობამ ორი უმსხვილესი ავღანური ქალაქი, ქაბულის შემდეგ სიდიდით მეორე და მესამე, ყანდაარი და ჰერათი დაიკავა“, - აღნიშნავენ ხელისუფლებაში.

ამასთან, ქალაქ ღაზნის აღება წყვეტს გადამწყვეტ გზატკეცილს, რომელიც ავღანეთის დედაქალაქ ქაბულს ქვეყნის სამხრეთ პროვინციებთან აკავშირებს.

ავღანეთში ვითარების ცვლილების ფონზე აშშ ქვეყანაში 3 ათას ამერიკელ სამხედროს გზავნის, რომლებიც დიპლომატიურ მისიებს ევაკუაციაში დაეხმარება. აშშ-ის სახელმწიფო დეპარტამენტის წარმომადგენლის, ნედ პრაისის თქმით, ქაბულის აეროპორტი ჯერჯერობით ღიაა, ამიტომ ამერიკელებს ევაკუაციისთვის მისი გამოყენება შეუძლიათ.