თურქეთის პრეზიდენტმა რეჯებ თაიფ ერდოღანმა ქვეყნის ჩრდილოეთით სამი პროვინცია სტიქიური უბედურების ზონად გამოაცხადა, რომლებიც წყალდიდობის შედეგად დაზარალდნენ.
„ჩვენ სამ პროვინციას - სინოპს, კასტამონსა და ბართინს სტიქიური უბედურების ზონებად ვაცხადებთ. ყველაფერს გავაკეთებთ, რომ რაც შეიძლება სწრაფად მოვიყვანოთ ყველაფერი წესრიგში. მიმდინარეობს მუშაობა ზარალის დასადგენად“, - განაცხადა ერდოღანმა, რომელიც სტიქიისგან ყველაზე მეტად დაზარალებულ ქალაქ ბოზქურთში იმყოფება.
თურქეთის ლიდერის თქმით, დაზარალებული რაიონებიდან მოსახლეობის ევაკუაცია 95 %-ით განხორციელდა.
მანამდე გავრცელებული ინფორმაციით, სტიქიური უბედურების ზონაში სამძებრო-სამაშველო სამუშაოები გრძელდება. ევაკუირებულია 1700-ზე მეტი ადამიანი.
300-მდე დასახლებული პუნქტი ელექტროენერგიის გარეშე დარჩა. დანგრეულია ხიდები და გზები, რაც ტრანსპორტის გადაადგილების პრობლემებს იწვევს.