ესპანეთში სარკინიგზო ავარია მსხვერპლით დასრულდა. ბარსელონასთან ერთმანეთს ორი მატარებელი შეეჯახა. შედეგად დაიღუპა ერთი და დაშავდა ათობით ადამიანი. ინფორმაციას სააგენტო Reuters კატალონიის რეგიონულ ხელისუფლებაზე დაყრდნობით წერს.
გარდაცვლილი ერთ-ერთი მატარებლის მემანქანეა. საგანგებო სამსახურების ცნობით, სულ 85 ადამიანი დაშავდა, მათგან რვა ჰოსპიტალიზებულია.
ინციდენტი სანტ ბოი დე ლობრეგატის სადგურზე, ბარსელონადან დაახლოებით 14 კმ-ში მოხდა, სადაც სატვირთო მატარებელი ლიანდაგებიდან გადავიდა და სამგზავრო მატარებელს შეეჯახა.