რუსეთის პრეზიდენტის თანაშემწე: დროებითი ზავი უკრაინელ სამხედროებს სულის მოთქმის საშუალებას მისცემს. რუსეთს კონფლიქტის გრძელვადიანი დარეგულირება სურს
რუსეთის პრეზიდენტის თანაშემწემ, იური უშაკოვმა განაცხადა, რომ მას ეროვნული უსაფრთხოების საკითხებში აშშ-ის პრეზიდენტის მრჩეველთან, მაიკ უოლცთან სატელეფონო საუბარი ჰქონდა, რა დროსაც განუცხადა, რომ შემოთავაზებული 30-დღიანი დროებითი ზავი უკრაინელ სამხედროებს სულის მოთქმის საშუალებას მისცემს.
„ბუნებრივია, მე კომენტირება გავუკეთე ცეცხლის დროებითი შეწყვეტის შესახებ მიღწეულ შეთანხმებას, მე მას [უოლცს] გავაცანი ჩვენი პოზიცია იმის შესახებ, რომ ეს არც მეტი, არც ნაკლები უკრაინელი სამხედროებისთვის სულის მოთქმა იქნება, მეტი არაფერი“, – თქვა უშაკოვმა.
მისი თქმით, რუსეთის მიზანს უკრაინაში კონფლიქტის გრძელვადიანი მოგვარება წარმოადგენს, რა დროსაც მოსკოვის ინტერესები გათვალისწინებული იქნება.
