მართლმადიდებელი ეკლესია ხვალ წმინდა თამარ მეფის ხსენების დღეს აღნიშნავს. ამასთან დაკავშირებით ტაძრებში წირვა-ლოცვა შესრულდება.

საქართველოს კათოლიკოს-პატრიარქი, უწმინდესი და უნეტარესი, ილია მეორე საღმრთო ლიტურგიას 14 მაისს, 10:00 საათზე ყოვლადწმინდა სამების საკათედრო ტაძარში აღავლენს.

თამარ მეფე ქართულ სახელმწიფოს XII-XIII საუკუნეების მიჯნაზე მართავდა. მისი მეფობის წლებში საქართველო იმჟამინდელ მსოფლიო რუკაზე ერთ-ერთ ძლევამოსილ სახელმწიფოს წარმოადგენდა.

თამარ მეფის საფლავის ადგილმდებარეობა დღემდე უცნობია.